Lord Bengwill- Mary Macqueen (Renf) c.1825 Crawfurd
[First given as "Lord Bengwill" Music with one stanza of text, Motherwell's Minstrelsy, Appendix, p. xvi. Music by Andrew Blaikie from Mary Macqueen, c. 1825. Appears as "Lord Bengwill's Adventure" from Mary Macqueen (Mrs. William Storie) of Lochwinnoch, County Renfrew, Scotland: c.1825; Crawfurd's MS published by Lyle, 1975.
Child did not know the informant since Motherwell just gave one stanza with music. The source and transcriber (Andrew Blaikie of Paisley) were not given. It was not until 1975 when Emily B. Lyle transcribed Andrew Crawfurd's MS that "Lord Bangwell's Adventure" was accessible. Motherwell knew of the MS but for some reason did not print the full text.
R. Matteson 2018]
Fc. "Lord Bangwell's Adventure" from Andrew Crawfurd's Collection of Ballads and Songs, p. 3-5, sung by Mary Macqueen of Lochwinnoch.
1 Seven ladies liv'd in a bower
He down and ho down
An ay the youngest was the flower
He down and ho down
2 They had ae brither amangst them aw
And Sir John they did him caw
3 The seven had to mak him a sark
It was the seven's hale year's wark
4 But whan the sark it was made an dune
They cast lots wha wad with it gang
But the lot fell on the youngest ane
5 As she was gawn through the leaves o Lyne
She met a lord gallant an fine
6 He kept her thare sae lang sae lang
Frae the morning bright to the sune gade doun
7. An frae that again till the next morning,
An aw he gade her at their parting
Was a pair o green gloves a gay gold ring
8 An three plaits o his yellow hair
That was a token if air thay shoud meet mair
9 But whan nine months was past an gane
Lord Bangwell buit a courting gang
10 As he was walking through yon green hall
He saw se'en ladies playan at the baw
11 He threw his baw amang them aw
An on the youngest the baw did faw
12 He threw his gloves amang them aw
An on the youngest the gloves did faw
13 He threw his napkin amang them aw
An on the youngest it did faw
14 He cryde whare will I get a man,
To come and my young bride on.
15 Tha war nane sae readie as Sir John
To come and help his sister on
16 Than out bespak our foremaist man
I think our bride rides slowlie on
17 Then out bespak our hindmaist man
I think our bride rides weepand on
18 O does the wind blaw on your glove
Or are you bound for sum other love
19 Or ar you weary o your life
Because your made Lord Bangwell's wife
20 The wind does not blow on my glove
Nor I am bound for nae other love
21 But I am weary of my life
Because I am made Lord Bangwell's wife
22 As they at Wedding supper sat
An unco pain come in o her back
23 And as they lay aw in Bride's bed
He put his hand for to hap his bride
An there he fand the young thing leap
24 He tok his fit and he gade her a bang
And out o bed himsel he flang
25 He to the hall amang them aw
An on his mother he gade a caw
26 I thought I got a lily flower
But I hae got sume ither man's hure
27 I thought I got a maid meek an mild
But I got a whore an sho is big wi child
28 O dochter O dochter cum tell me
Wha is the faither o your babee
29 As I was walking the leaves of Lyne
I met a lord gallant and fine
30 He kept me there sae lang sae lang
From the morning bright to the sun gade doun
31 An frae that again till the next morning
An aw he gade me at our parting
Was a pair of green gloves and a gay gold ring
32 An thrie plaits of his yellow hair
That was a token if ere we soud meet mair
33 O dochter O dochter cum tell to me
Where is the green
34 O mother O mother gang to the haw
An there ye'll find them wi my claes aw
35 An whan she fand them she kent her son
For on the gloves was writ her name
36 She to the haw amang them aw
And on her son she gade a caw
37 O son O son cum tell to me
Whaur is the green gloves that I gade thee
38 As I was walking the leaves o Lyne
I met a lady gallant an fine
39 I kept her thare sae lang sae lang
Frae the morning bright till the sun gade doun
40 And frae that again till the next morning
An aw I gade her at our parting
It was thir green gloves a gay gold ring
41 An three plaits of my yellow hair
That was a token if ere we soud meet mair
42 An I wad rather than castles and towers
I had that same lady in my bower
43 I wad rather than my very life
I had that same lady for my wife
44 Ye wad not need rather than castles and towers
For ye hae that same lady in your bower
45 You need not rather than your very life
For ye hae that same lady for your wife
46 Go hap my lady wi quilts o' silk
And feed my young son wi woman's milk
47 These words were written on its breast bane
It was Lord Bangwell's sevent son
48 Thae words wore written on its right hand
It was to be heir of aw Lord Bangwell's land.