Lord Ronald- Mrs. J. Pirie (Banff) c.1931 Carpenter
[From: James Madison Carpenter Collection, JMC/1/4/L, p. 07499,
R. Matteson 2018]
Lord Ronald- sung by Mrs James Pirie of Kirktown of Alvah Banffshire about 1931.
1 "O where hae ye been Lord Ronald, my son,
Where hae ye been wandering, my jolly young man?"
"I've been a- hunting, mother, mak my bed soon,
For I'm weary at the heart, an' fain would lie doon."
2 "What will ye have for dinner, Lord Ronald, my son?
What will ye have for dinner, my jolly young man?"
"I dined wi' my truelove; mother, mak my bed soon,
For I'm sick at the heart, an' fain would lie doon."
3 "What got ye for dinner, Lord Ronald, my son?
What got ye for dinner, my jolly young man?"
"I got fishes biled in bree; mother mak my bed soon,
For I'm sick at the heart, an' fain would lie doon."
4 "Wha gae ye the supper, Lord Ronald, my son,
Wha gae ye the supper, my jolly young man?"
"My girl an' my sweetheart; mother, mak my bed soon,
For I'm sick at the heart, an' I fain would lie doon."
5 What's become o your hoonds Lord Ronald, my son,
What's become o your hoonds, my jolly young man,"
"They swelled an' they died, mother, mak my bed soon,
For I'm sick at the heart, an' I fain would lie doon."
6. "I fear ye are poisoned, Lord Ronald, my son,
I fear ye are poisoned, my jolly young man,"
"O yes, I am poisoned; mother mak my bed soon,
For I'm sick at the heart, an' I fain would lie doon."
7 "What will ye leave to your father, Lord Ronald my son,
What will ye leave to your father, my jolly young man?'
"My land and my [houses]; mother, mak my bed soon,
For I'm sick at the heart, and I fain wad lie doon."
8 "What will ye leave to your mother, Lord Ronald, my son?
What will ye leave to your mother, my jolly young man?"
"My cows an' the byre, mother, mak my bed soon,
For I'm sick at the heart, and I fain would lie doon."
9 "What will ye leave to your brother, Lord Ronald, my son,
What will ye leave to your brother, my jolly young man?"
"My horse an' his stable mother, mak my bed soon,
For I'm sick at the heart, and I fain wad lie doon."
10. "What will ye leave to your sister, Lord Ronald, my son
What will ye leave to your sister, my jolly young man?"
"My box an' my rings; mother, mak my bed soon,
For I'm sick at the heart, and I fain would lie doon."
11 "What will ye leave to your sweetheart, Lord Ronald, my son?
What will ye leave to your sweetheart, my jolly young man?"
"A rope an' the halter, that hangs to the tree,
An' lat her hang there get for the poisoning o' me."