Willie's Lyke-Wake- Buchan 1828; Child E a.
[Below Child's text is the text from Buchan which is the same. There are some brief notes by Buchan.]
Willie's Lyke-Wake; Version E- Child 25
E a. Buchan's Ballads of the North of Scotland, II, 51.
1 'If my love loves me, she lets me not know,
That is a dowie chance;
I wish that I the same could do,
Tho my love were in France, France,
Tho my love were in France.
2 'O lang think I, and very lang,
And lang think I, I true;
But lang and langer will I think
Or my love o me rue.
3 'I will write a broad letter,
And write it sae perfite,
That an she winna o me rue,
I'll bid her come to my lyke.'
4 Then he has written a broad letter,
And seald it wi his hand,
And sent it on to his true love,
As fast as boy could gang.
5 When she looked the letter upon,
A light laugh then gae she;
But ere she read it to an end,
The tear blinded her ee.
6 'O saddle to me a steed, father,
O saddle to me a steed;
For word is come to me this night,
That my true love is dead.'
7 'The steeds are in the stable, daughter,
The keys are casten by;
Ye cannot won to-night, daughter,
To-morrow ye'se won away.'
8 She has cut aff her yellow locks,
A little aboon her ee,
And she is on to Willie's lyke,
As fast as gang could she.
9 As she gaed ower yon high hill head,
She saw a dowie light;
It was the candles at Willie's lyke,
And torches burning bright.
10 Three o Willie's eldest brothers
Were making for him a bier;
One half o it was gude red gowd,
The other siller clear.
11 Three o Willie's eldest sisters
Were making for him a sark;
The one half o it was cambric fine,
The other needle wark.
12 Out spake the youngest o his sisters,
As she stood on the fleer:
How happy would our brother been,
If ye'd been sooner here!
13 She lifted up the green covering,
And gae him kisses three;
Then he lookd up into her face,
The blythe blink in his ee.
14 O then he started to his feet,
And thus to her said he:
Fair Annie, since we're met again,
Parted nae mair we'se be.
_______________
Willie's Lyke-Wake [Buchan's Ballads of the North of Scotland, II, 51.]
If my love loves me, she lets me not know,
That is a dowie chance;
I wish that I the same could do,
Tho' my love were in France, France,
Tho' my love were in France.
O lang think I, and very lang,
And lang think I, I true;
But lang and langer will I think,
Or my love o' me rue, rue,
Or my love o' me rue.
I will write a broad letter,
And write it sae perfite,
That an she winna o' me rue,
I'll bid her come to my lyke, lyke,
I'll bid her come to my lyke.
Then he has written a broad letter,
And seal'd it wi' his hand,
And sent it on to his true love,
As fast as boy could gang, gang,
As fast as boy could gang.
When she looked the letter upon,
A light laugh then gae she;
But ere she read it to an end,
The tear blinded her e'e, e'e,
The tear blinded her e'e.
O saddle to me a steed, father,
O saddle to me a steed;
For word is come to me this night,
That my true love is dead, dead,
That my true love is dead.
The steeds are in the stable, daughter,
The keys are casten by;
Ye cannot won to-night, daughter,
To-morrow ye'se won away, away,
To-morrow ye'se won away.
She has cut aff her yellow locks,
A little aboon her e'e;
And she is on to Willie's lyke,
As fast as gang could she, she,
As fast as gang could she.
As she gaed ower yon high hill head,
She saw a dowie light;
It was the candles at Willie's lyke,
And torches burning bright, bright,
And torches burning bright.
Three o' Willie's eldest brothers
Were making for him a bier;
One half o' it was gude red gowd,
The other siller clear, clear,
The other siller clear.
Three o' Willie's eldest sisters
Were making for him a sark;
The one half o' it was cambric fine,
The other needle wark, wark,
The other needle wark.
Out spake the youngest o' his sisters,
As she stood on the fleer;
How happy would our brother been,
If ye'd been sooner here, here,
If ye'd been sooner here!
She lifted up the green covering,
And gae him kisses three;
Then he look'd up into her face,
The blythe blink in his e'e, e'e,
The blythe blink in his e'e.
O then he started to his feet,
And thus to her said he:
Fair Annie, since we're met again,
Parted nae mair we'se be, be,
Parted nae mair we'se be
[Notes:] WILLIE'S LYKE WAKE. Page 61. The stratagem which this lover made use of to try his lady's affection for him, is somewhat similar to the one displayed in the ballad of the Blue Flowers and the Yellow, and was alike successful.