When Will Ye Gang Awa', Jamie?- Gordon (PA) 1943 Bayard
[From Pennsylvania Songs and Legends; Korson, 1949.
R. Matteson 2013, 2016]
When Will Ye Gang Awa', Jamie?- Sung by J.D. Gordon and Mrs. Jeanie Craven of Fayette County (PA) 1943. Collected by Bayard.
1. "When will ye gang awa', Jamie,
Far across the sea, laddie,
Oh, when ye gang to Jairmany[1],
What will ye bring to me, laddie?"
2. "I'll send ye a braw new goon, Jeanie, [brand]
I'll send ye a braw new goon, lassie,
It shall be made with sulken thread [silken]
Wi' flunces staunnin' 'roon, lassie."
3. That's nae gift ava, Jamie,
That's nae gift ava, laddie;
There's ne'er a goon in a' the toon
I'll weer when ye're awa', laddie.
4. When I come back again, Jeanie,
When I come back again, lassie,
I'll bring to thee a gallan' ghie
Ye're ain guidman to be, lassie.
5. Be my ain guidman yersel', Jamie,
Be my ain guidman yersel', laddie;
An' tak' me ower to Jairmany[1],
An' dwell at hame wi' me, laddie!
6. I dinna ken hoo that would be, Jeanie,
I dinna ken hoo that would be, lassie,
For I hae wife an' bairnies three,
And I'm no' share hoo ye'd 'gree, lassie.
7. Ye should 'a' tell'd me that in time, Jamie,
Ye should 'a' tell'd me that in time, laddie,
For if I had knew your falsie hairt,
Ye'd never gotten mine, laddie!
8. Dry that tearfu' ee, Jeanie,
My story's a' a lee, lassie:
I have naither wife nor bairnies three,
I'd wed nane but thee, lassie!
9 Think weel afore ye rue, Jamie,
Think weel afore ye rue, laddie,
For I hae naither gowd nor gear
To be a match for you, laddie.
10. Little Drumkells are mine, Jeanie,
And Huntingtowers are mine, lassie;
Huntingtowers and hawthorn bowers
And a' that's mine are thine, lassie!
1. Germany