Castle Ha's Daughter- Buchan 1828 Child C
[Below Child's text is the original notes and text of Castle Ha's Daughter from Buchan in 1828.]
Castle Ha's Daughter- Version C; The King's Dochter Lady Jean- Child 52
Buchan's Ballads and Songs of the North of Scotland, I, 241.
1 As Annie sat into her bower,
A thought came in her head,
That she would gang to gude greenwood,
Across the flowery mead.
2 She hadna pu'd a flower, a flower,
Nor broken a branch but twa,
Till by it came a gentle squire,
Says, Lady, come awa.
3 There's nane that comes to gude greenwood
But pays to me a tein,
And I maun hae your maidenhead,
Or than your mantle green.
4 'My mantle's o the finest silk,
Anither I can spin;
But gin you take my maidenhead,
The like I'll never fin.'
5 He's taen her by the milk-white hand,
And by the grass-green sleeve,
There laid her low in gude greenwood,
And at her spierd nae leave.
6 When he had got his wills o her,
His wills as he had taen,
She said, If you rightly knew my birth,
Ye'd better letten alane.
7 'Is your father a lord o might?
Or baron o high degree?
Or what race are ye sprung frae,
That I should lat ye be?'
8 'O I am Castle Ha's daughter,
O birth and high degree,
And if he knows what ye hae done,
He'll hang you on a tree.'
9 'If ye be Castle Ha's daughter,
This day I am undone;
If ye be Castle Ha's daughter,
I am his only son.'
10 'Ye lie, ye lie, ye jelly hind squire,
Sae loud as I hear you lie,
Castle Ha, he has but ae dear son,
And he is far beyond the sea.'
11 'O I am Castle Ha's dear son,
A word I dinna lie;
Yes, I am Castle Ha's dear son,
And new come oer the sea.
12 ''Twas yesterday, that fatal day,
That I did cross the faem;
I wish my bonny ship had sunk,
And I had neer come hame.'
13 Then dowie, dowie, raise she up,
And dowie came she hame,
And stripped aff her silk mantle,
And then to bed she's gane.
14 Then in it came her mother dear,
And she steps in the fleer:
'Win up, win up, now fair Annie,
What makes your lying here?'
15 'This morning fair, as I went out,
Near by yon castle wa,
Great and heavy was the stane
That on my foot did fa.'
16 'Hae I nae ha's, hae I nae bowers,
Towers, or mony a town?
Will not these cure your bonny foot,
Gar you gae hale and soun?'
17 'Ye hae ha's, and ye hae bowers,
And towers, and mony a town,
But nought will cure my bonny foot,
Gar me gang hale and soun.'
18 Then in it came her father dear,
And he trips in the fleer:
'Win up, win up, now fair Annie,
What makes your lying here?'
19 'This morning fair, as I went out,
Near by yon castle wa,
Great and heavy was the stane
That on my foot did fa.'
20 'Hae I nae ha's, hae I nae bowers,
And towers, and mony a town?
Will not these cure your bonny foot,
Gar you gang hale and soun?'
21 'O ye hae ha's, and ye hae bowers,
And towers, and mony a town,
But nought will cure my bonny foot,
Gar me gang hale and soun.'
22 Then in it came her sister Grace;
As she steps in the fleer,
'Win up, win up, now fair Annie,
What makes your lying here?
23 'Win up, and see your ae brother,
That's new come ower the sea;'
'Ohon, alas!' says fair Annie,
'He spake ower soon wi me.'
24 To her room her brother's gane,
Stroked back her yellow hair,
To her lips his ain did press,
But words spake never mair.
_________________
Buchan's Ballads and Songs of the North of Scotland, I, p. 235.
Notes: CASTLE HA'S DAUGHTER Page 235.
Another ballad of a similar description, called Bold Burnett's Daughter, I took down about the same time as the present one, from a different person; but as it is so much alike in manner and incident, I have, for the present, withheld it. There are various ballads to be met with of the same nature, which rather than please, shock humanity. Every thing of a preposterous and absurd imagination served as food for the Doric muse, and inspired it with antediluvian vigour.
CASTLE HA'S DAUGHTER
As Annie sat into her bower,
A thought came in her head,
That she would gang to gude greenwood,
Across the flowery mead.
She hadna pu'd a flower, a flower,
Nor broken a branch but twa;
Till by it came a gentle squire,
Says, Lady come awa'.
There's nane that comes to gude greenwood
But pays to me a tein;
And I maun hae your maidenhead,
Or than your mantle green.
My mantle's o' the finest silk,
Anither I can spin;
But gin you take my maidenhead,
The like I'll never fin'.
He ta'en her by the milk-white hand,
And by the grass-green sleeve,
There laid her low in gude greenwood,
And at her spier'd nae leave.
When he had got his wills o' her,
His wills as he had ta'en;
She said, if you rightly knew my birth,
Ye'd better letten alane.
Is your father a lord o' might?
0r baron o' high degree?
0r what race are ye sprung frae,
That I should lat ye be?
O, I am Castle Ha's daughter,
O' birth and high degree;
And if he knows what ye hae done,
He'll hang you on a tree.
If ye be Castle Ha's daughter,
This day I am undone;
If ye be Castle Ha's daughter,
I am his only son.
Ye lie, ye lie, ye jelly hind squire,
Sae loud as I hear you lie;
Castle Ha', he has but ae dear son,
And he is far beyond the sea.
0 I am Castle Ha's dear son,
A word I dinna lie;
Yes! I am Castle Ha's dear son,
And new come o'er the sea.
'Twas yesterday, that fatal day,
That I did cross the faem;
I wish my bonny ship had sunk,
And I had ne'er come hame.
Then dowie, dowie, raise she up,
And dowie came she hame,
And stripped aff her silk mantle,
And then to bed she's gane.
Then in it came her mother dear,
And she steps in the fleer;
Win up, win up, now fair Annie,
What makes your lying here?
This morning fair as I went out,
Near by yon castle wa',
Great and heavy was the stane
That on my foot did fa'.
Hae I nae ha's, hae I nae bowers?
Towers, or mony a town?
Will not these cure your bonny foot,
Gar you gae hale and soun'?
Ye hae ha's, and ye hae bowers,
And towers, and mony a town;
But nought will cure my bonny foot,
Gar me gae hale and soun'.
Then in it came her father dear,
And he trips in the fleer;
Win up, win up, now fair Annie,
What makes your lying here?
This morning fair, as I went out,
Near by yon castle wa',
Great and heavy was the stane
That on my foot did fa'.
Hae I nae ha's, hae I nae bowers,
And towers, and mony a town?
Will not these cure your bonny foot,
Gar you gang hale and soun'?
O, ye hae ha's, and ye hae bowers,
And towers, and mony a town;
But nought will cure my bonny foot,
Gar me gang hale and soun'.
Then in it came her sister Grace,
As she steps in the fleer;
Win up, win up, now fair Annie,
What makes your lying here?
Win up, and see your ae brother,
That's new come ower the sea;
Ohon, alas! says fair Annie,
He spake ower soon wi' me.
To her room her brother's gane,
Stroked back her yellow hair;
To her lips his ain did press,
But words spake never mair.