Rashie Moor- Mrs. Grieve (Aber) c.1907 Greig D
[Greig-Duncan #1215D. From: The Greig-Duncan Folk Song Collection - Volume 8 - page 409, by Patrick N. Shuldham-Shaw, ‎Emily B. Lyle - 2002.
R. Matteson 2017]
Rashie Moor- sung by Mrs. Grieve, of New Deer about 1907, collected by Greig, no tune.
As I cam' thro' yon rashie moor
Fa spied I in my true love's door?
My hairt grew sair, and my eyes grew blin',
To see my bonnie love leave me ahin'.
Oh, are ye gyaun, love, to leave me noo,
Oh, will ye gyang, love, and leave me noo?
Wid ye forsake your former vow,
And go wi' the one that ye never knew?
As I gaed in by yon water wan,
The brig was broken at yon milldam;
I bent my body and took her through,
But alas, she's gone and she's left me noo.
But as I gaed in by yon toon-en',
I saw another did my love atten',
I took aff my hat, and I said, Ochon,
The best o' my weel days is done.
But I will tell you the reason why,
She's got another and that's the wye;
And I will tell the reason tee,
He has got more gold than me.
But if ye love me, love, we'll never part,
And instead o' gold ye will get my heart,
Ye'll get my heart wi' richt guid-will,
You're a bonnie lass and I love ye still.
I bent my back into an oak,
I thocht it was a trusty tree;
But first it bent and then it broke,
And so has my love done to me.